Ndonjëherë një gjest i vetëm vlen më shumë se sa një mijë fjalë! Dhe piëkrisht në këtë mënyrë ka vendosur t’i përgjigjet deklaratave thumbuese të Gary Cahill, italiani Maurizio Sarri.
Mbrojtësi i Chelsea-t praktikisht i paimpenjuar asnjëherë gjatë këtij sezoni e ka sulmuar shumë ashpër ish-teknikun e Napolit gjatë prononcimit të fundit mediatik na e ka bërë jetën shumë të vështirë, është treguar i padrejtë më mua dhe shumë lojtarë të tjerë që kanë fituar titullin.
Personalisht e kam të vështirë të respektoj dikë që nuk është i aftë ta bëjë këtë anasjelltas, citohet Cahill përpara sfidës ndaj Watford por Sarri i është përgjigjur në mënyrën e tij të heshtur ish-kapitenit të Bluve të Londrës.
Në përfundim të sfidës ndaj Watford, Sarri zbriti ish-kapitenin e Bluve të Londrës në fushën e Stamford Bridge në vend të David Luiz duke i dhuruar atij kështu disa minuta si dhe përjetimin e “standing ovation” të publikut për daljen e fundit zyrtare me klubin, duke qënë se mbrojtësi kontrata e të cilit skadon në 30 qershor do t’i japë kështu lamtumirën klubit të tij pas 7 sezoneve.
“Gjatë sezonit ka qenë një profesionist i vërtetë ka luajtur vetëm pesë herë por Cahill ka patur gjithnjë një rol prej lideri në seancat e stërvitjes dhe dhomat e zhveshjes. Sot ishte ndeshja tij e fundit me fanellën e Chelsea-t ndaj ishte me rëndësi fakti që e pamë të zbriste në fushë” deklaroi më pas Sarri në konferencën për shtyp.
Ndoshta me atë “Standing Ovation” që Sarri i dha mundësinë ta përjetonte Cahill mund të ketë ndryshuar mendim mbi trajnerin italian ndërkohë që pati deklaruar se për të kishte rezultuar një vit vërtetë i shëmtuar ky i fundit të cilin sapo ta mbyllë do ta fshinte përgjithnjë nga kujtesa.