Hakan Calhanoglu u ndal edhe te Kristjan Asllani në prononcimin e tij për shtypin përpara duelit të së martës Inter-Benfica. I vlefshëm për grupin D në Champions League.
Mesfushori i talentuar i kombëtares shqiptare, është zëvendësuesi i turkut në skemat e zikaltërve të Simone Inzaghit.
Calhanoglu ka krijuar një raport shumë të mirë me 21-vjeçarin nga Elbasani, teksa zbulon edhe këshillat që i jep Asllanit.
Lexoni edhe:
- Nga golat e Uzunit dhe Laçit te asisti i Roshit, forma e kuqezinjve gëzon Sylvinhon para Çekisë
- “Kam pirë ujë të bekuar”, Mourinho: Me Romën kam fituar një trofe e gjysmë
- Legjenda e Realit refuzon Schalken, ëndërron të zëvendësojë Ancelottin
- Sulmuesi anglez flet për ndikimin e Messit: Surreale të luaja kundër tij në finale, ishte çmenduri!
“Unë dhe ai kemi krijuar një marrëdhënie të mirë që kur erdhi tek Interi. I kam folur që në fillim. Kristjani ka diçka të veçantë, ka shumë cilësi të mira.
Sigurisht që bisedat që diskutojmë do të mbeten mes nesh, por doni të dini se çfarë i them? I kërkoj të japë gjithmonë maksimumin.
Gjithashtu insistoj që të jetë më agresiv, dhe të jetë më i uritur në duele. Po përmirësohet shumë si futbollist, është një djalë i mirë, i cili të dëgjon kur i flet”, theksoi kapiteni i kombëtares turke.
