Tek Apolonia e kanë të qartë se pas çdo rezultati negativ rënia nga kategoria bëhet më evidente. Gjithsesi, trajneri Fabrizio Cammarata siguroi që për aq kohë sa matematika ta lejojë skuadra e tij duhet të luftojë për mbijetesën.
“Jam i mërzitur, sepse na mungoi agresiviteti, si në ndeshjen e parë me Tiranën. Nëse nuk bëmë asnjë gjuajtje në portë, kjo është për shkak të meritës së Teutës. Në momente të caktuara skuadra mund të bënte me mirë dhe të ishte më agresive.
Deri në momentin që matematika na e lejon, lojtarët do futemi në fushë duke dhënë maksimumin për të bërë më mirë. Do të bëjmë gjithçka për të shpëtuar.
Largimi nga Dinamo? Ishte zgjedhje personale dhe do ta bëja përsëri. Dinamos i uroj më të mirën. Unë besoj ende se mund ta shpëtoj Apoloninë.”