Trajneri i Apolonisë Fabrizio Cammaratta nuk përdori si alibi erën e fortë për humbjen që pësoi skuadra e tij në përballjen ndaj Tiranës, duke nënvizuar se Apolonia ka shumë për t’u përmirësuar dhe se ndaj bardhebluve, fierakët nuk e nisën siç duhet takimin.
“E nisëm jo mirë ndeshjen, Tirana në vuri në vështirësi në 20 minuta. Pastaj hymë në lojë dhe na vjen keq. Pësuam një gol për fajin tonë. Gjithsesi ka edhe shumë ndeshje dhe kemi mundësi të rikuperojmë pikët në vazhdim”.
“Era nuk është një alibi, ishte për të dyja ekipet. Kemi shumë për të përmirësuar, duhet ta nisim nga fillimi. Kemi cilësi për të fituar ndeshjet”, tha në mbyllje trajneri italian.
