Vjen fitorja e parë e Lushnjës në kampionat, pas humbjes 2-1 në fushë e Tomorit në javën e dytë. Skuadra e drejtuar nga Klodian Duro iu imponua 3-2 Besëlidhjes në një sfidë që mbeti e hapur deri në sekondat e fundit.
Canka dhe Pepa kaluan në epërsi të dyfishtë “lagunarët” brenda 24 minutave lojë, por në fund të pjesës së parë Da Silva dhe Shehu kthyen ekuilibrin në rezultat (2-2). Ndeshja ishte mjaft e luftuar edhe gjatë fraksionit të dytë dhe u vendos nga goli i Brunild Pepës tetë minuta para përfundimit të kohës së rregullt.
Për lezhjanët kjo ishte humbja e parë sezonale, pasi barazimit me Turbinën dhe fitores me Besën.