Connect with us

Hi, what are you looking for?

Serie A

Cassano sulmon Inzaghin: Interi të gjejë trajner tjetër

Cassano sulmon Inzaghin
Cassano sulmon Inzaghin

Antonio Cassano sulmon Inzaghin vetëm pak ditë pas triumfit në Superkupën e Italisë, me rezultatin e pastër 3-0 ndaj Milanit. Interi zhgënjeu në shtëpi, pasi u mposht me rezultatin minimal 0-1 nga Empoli në “San Siro”, duke dalë jashtë garës për titull.

Me 13 pikë më pak se Napoli kryesues, kur ka mbetur edhe gjysma e kampionatit, duket e vështirë që Inzaghi me të tijtë të shpresojnë ende. Këtë konfirmon edhe Antonio Cassano, që tregohet i ashpër në kritikën e tij me trajnerin Simone Inzaghi.

Lexo edhe:

“Humbja me Empolin ishte e papritur, por edhe zhgënjyese për Interin, Nëse të mungon një identitet preciz, nuk mund të presësh gjithmonë që një individ të të zgjedhë situatën. Për mua, ky sezon i zikaltërve është një dështim. Interi dhe Juventusi kanë organikën më të mirë në kampionat, ndaj zikaltrit nuk mund të justifikohen vetëm me zonën Champions.

 

Ne flasim për vështirësitë e Piolit, por ai atë organikë ka dhe nuk mund të kritikohet. Ndërsa Inzaghi po, pasi edhe me 10 futbollistë, i kishte shanset të fitonte ndaj Empolit. Menjëherë pas kartonit të kuq, hoqi një sulmues për një mbrojtës, duke tërhequr skuadrën. U zgjua shumë vonë dhe nuk mund të riparonte më dëmet.

 

Kaloi në një 5-1-3 të çuditshëm dhe të çrregullt. Mendoj se në korrik Interi duhet të gjejë një trajner të ri, pasi Inzaghi nuk më bind aspak”, u shpreh Cassano.

Inzaghi në qendër të kritikave

Simone Inzaghi mori drejtimin e Interit në verën e 2021-shit. Që atëherë ka arritur të fitojë një Kupë Italie dhe dy Superkupa Italie, megjithatë në sezonin aktual ka përfunduar shpesh në qendër të kritikave.

Zëvendësimet duket se janë një pikë e dobët e teknikut zikaltër, që tashmë ka edhe faktet kundër. Janë jo të rralla rastet kur Interit i ka ikur fitorja nga duart, pikërisht për faktin se zëvendësimet e Inzaghit kanë sjellë kaos në fushë. Përveç Cassanos, edhe shumë tifozë zikaltër nuk e kanë kursyer trajnerin në rrjetet sociale.

Lajme të tjera

Katar 2022

Lionel Messi rikthehet të flasë për triumfin e Argjentinës së tij në Botërorin Katar 2022. Në një intervistë të gjatë kapiteni i kombëtares albiceleste...

Kategoria Superiore

Vesel Limaj u largua nga Tirana drejt Rumanisë, duke ndërprerë me konsensus marrëdhënien me kampionët e Shqipërisë. Për SuperSport, futbollisti nga Malisheva i lindur...

Featured

Gjatë periudhës së merkatos, janë të shumta mundësitë që një lojtar të ndryshojë klub dhe fanellë. Mirëpo, edhe pse shumë të rrallë, ka nga...

Futboll

Portieri i Yeni Malatyaspor, Ahmet Eyup Turkaslan raportohet mes viktimave që humbën jetët nga tërmeti vdekjeprurës në Turqi. Lajmin tragjik e zyrtarizoi trajneri Yalmaz...