Celta Vigo nuk arriti të shfrytëzonte në maksimum faktorin fushë pasi u mjaftua vetëm me një barazim 1-1 ndaj Getafes në stadiumin Balaidos në sfidën që mbylli javën e 7-të të La Ligas. I përhershmi, urguiani i talentuar Maximiliano Gomez i dha avantazhin skuadrës së trajnerit Mohamed në minutën e 33-të. Por atëherë kur mendohej se Celta do të shkonte drejt fitores për t’i prishur festën skuadrës galiciane mendoi Jaime Mata i cili 12 minuta para fundit realizoi golin e barazimit duke i dhënë një pikë Getafes. Pas 7 javëve të para Celta Vigo pozicionohet në vendin e 8-të me 10 pikë, vetëm një pozicion më poshtë dhe me 1 pikë më pak qëndrojnë ndërkohë madrilenët e vegjël të Getafes.
