I ka kushtuar shtrenjtë humbja ndaj Realit të Madridit me rezultatin 2-4 brenda në stadiumin Balaidos, trajnerit argjentinas Antonio Mohamed. Ky i fundit është shkarkuar nga detyra nga drejtuesit e Celta Vigos pasi nuk ka përmbushur pritshmëritë, me skuadrën galiciane që në 12 ndeshje ka grumbulluar 14 pikë dhe pozicionohet në vendin e 14-të të tabelës së klasifikimit në La Liga. Menjëherë pas shkarkimit të Mohamed drejtuesit e Celta Vigos kanë bërë publik edhe emrin e trajnerit të ri, bëhet fjalë për portugezin Miguel Cardoso i cili vetëm një muaj më parë u shkarkua nga stoli i Nantes.
