Connect with us

Hi, what are you looking for?

Futboll

Çështja “Robinho”, reagon presidenti i Brazilit: Krim i pafalshëm, meriton dënim shembullor

Më 20 mars, Gjykata e Lartë e Drejtësisë do të vendosë nëse Robinho do ta vuajë në burgjet e Brazilit dënimin me 9 vite burg për përdhunimin e një vajzë të re shqiptare në Milano, kur luante me fanellën e Milanit.

Ky vendim ka marrë formë të prerë në të gjitha hallkat e gjyqësorit italian, por ish-sulmuesi ndodhet në Brazil, vend që nuk ka marrëveshje ekstradimi me Italinë, për ta vuajtur dënimin aty ku kreu krimin e rëndë.

Mbetet të shihet nëse do të bëhet konvertimi i dënimit në atdhe për ish-futbollistin. Për këtë çështje ka mbajtur qëndrim edhe presidenti i Brazilit, Luiz Inácio Lula da Silva.

“Të gjithë ata që e kanë kryer krimin e përdhunimit duhet të arrestohen, të shkojnë në burg. Njerëzit duhet të mësojnë se marrëdhëniet seksuale nuk janë vetëm dëshirë e njërës palë.

Është turp që një njeri, që ka kryer këtë lloj krimi kolektivisht lëviz ende i lirë. Përdhunimi është një krim i pafalshëm, njerëzit duhet të gjykohen dhe dënohen për këtë. Robinho është dënuar tashmë në Itali, ndaj duhet ta vuajë dënimin këtu.

Lexo edhe:

Tani do të gjykohet në Brazil dhe shpresoj të paguajë çmimin e papërgjegjshmërisë së të qenit një i ri, që kishte më shumë mundësi se 99% e të rinjve brazilianë. Ai bëri shumë para, kishte gjithçka, por ajo që bëri me atë vajzë në Milano meriton ndëshkim shembullor”.

Ngjarja daton në vitin 2013, kur Robinho vishte fanellën e Milanit. Më 20 mars, Gjykata e Lartë Braziliane e Drejtësisë (STJ) do të vendosë nëse vendimi do të jetë i zbatueshëm në Brazil apo jo.

Lajme të tjera

Merkato

Bento Matheus Krepski pritet të jetë një nga përforcimet e Interit gjatë merkatos verore. Kampionët e Italisë kanë përzgjedhur 24-vjeçarin brazilian si portierin e...

La Liga

Xavi rrezikon shkarkimin nga posti i trajnerit të Barcelonës sapo të mbyllet sezoni. Deklarata e fundit ka sjellë shqetësim në klub, teksa është pritur...

Itali

Orë vendimtare për Interin. Të hënën e 20 majit skadon huaja që fondi “Oaktree” i ka dhënë numrit një të zikaltërve në vitin 2021....

Ligue 1

Milan Skriniar zgjodhi të thyejë raportet e tij me Interin dhe tifozerinë zikaltër, për t’u transferuar një vit më parë te Paris Saint Germain...