Festival golash në takimin Ajax-Heerenven, por në fund asnjë fitues, pasi gjithçka përfundoi 4-4. “Harkëtarët” nuk arritën dot të përfitonin nga ndalesa e Psv-së, duke humbur një mundësi të artë për t’u ngjitur në krye.
Tadic zhbllokoi sfidën në minutën e 13-të, por pas vetëm 60 sekondave Lammers uli entuziazmin e vendasve. Ishte sërish sulmuesi serb që u kujdes për t’i dhënë sërish avantazhin Ajaxit, ndërsa autgoli i van Amersfort i çoi shifrat në 3-1. Ajaxi mund të kishte shënuar edhe golin e 4-t, por Tadic nuk mundi dot të shënonte nga pika e bardhë e penalltisë.
Në pjesën e dytë Heerenveni nuk u dorëzua për asnjë çast, edhe pse në disavantazhin e dy golave.
Lammers dhe Van Bergen brenda 5 minutave rihapën takimin, por Ajaxi u hodh i gjithë në sulm dhe u shpërblye me golin e Huntelaar. Nuk mbaroi me kaq. Në frymën e fundit Heerenveni tronditi “harkëtarët”, duke barazuar me anë të Pierie në shtesë.
Emmen arriti të merrte një barazim në shifrat 2-2 përballë kryesuesve të kampionatit holandez, PSV Eindhoven. Një pikë e fituar në fundin e sfidës, falë danezit Pedersen, që realizoi dygolësh.
Pas vetëm 15 minutave lojë kapiteni Luk De Jong i dha epërsinë PSV-së. Edhe pse goli erdhi shpejt, në minutat e mbetura Emmen u mundua të kujdesej në aspektin mbrojtës, teksa ekipi i Van Bomelit për qarkullimin e topit.
Në pjesën e dytë kampionët në fuqi shënoi të dytin, por Pedersen shënoi dy herë në minutat 80’ dhe 90+1’. Për PSV-në ky ishte barazimi i dytë pas 18 javësh kampionat.