Connect with us

Hi, what are you looking for?

Futboll

Çfarë sfidash në Supersport, derbi i Torinos, Lazio-Milan dhe Wolves-Arsenal në një ditë!

TURIN, ITALY - DECEMBER 15: Juventus player Cristiano Ronaldo during the Serie A match between Torino FC and Juventus at Stadio Olimpico di Torino on December 15, 2018 in Turin, Italy. (Photo by Daniele Badolato - Juventus FC/Juventus FC via Getty Images)

Në Premier League dhe Serie A, javët e kampionatit i lënë shumë shpejt vendin njëra-tjetrës pasi luhet çdo 3 ditë. Këtë të shtunë nis java e 30-të e Serie A me tre takime intriguese që do të transmetohen në ekranin e Supersport në 3 fasha të ndryshme oraresh. Vëmendja shkon padiskutim te derbi i Torinos që do të luhet në orën 17:15 në Allianz Stadium. Juventusi do të kërkojë fitoren e 4-t radhazi pas pandemisë përballë një kundërshtari që është në krizë rezultatesh por edhe identiteti pasi Torino në këtë sezon lufton për mbijetesë. Skuadra Granata ka arritur ta ndalë dy herë Juven në shtëpinë e këtyre të fundit në 5 sfidat e fundit që kanë zhvilluar në Serie A dhe një barazim do të konsiderohej si një fitore për skuadrën e Longos sot. Në krahun tjetër Juvja e Sarrit pasi ka rigjetur formën optimale synon ta thellojë përkohësisht në +7 avantazhin ndaj Lazios së vendit të dytë. Titullar në portën e bardhezinjëve pritet të luajë Buffon i cili mund të vendosë një tjetër rekord përsa i përket prezencave në Serie A ndërsa në sulm Sarri nuk ka ndërmend të kursejë dyshen Ronaldo-Dybala.

Përsa i përket Torinos, Baselli është mungesa e vetme, teksa dyshja sulmuese Belotti-Verdi do të kërkojë t’i vendosë shkopinjtë nën rrota bardhezinjëve.  Në orën 19:30 luhet sfida Sassuolo-Lecce ndërsa në mbrëmje Lazio pret në kryeqytet Milanin pa dy prej sulmuesve të saj kryesorë Immobile dhe Caicedo që sëbashku kanë realizuar plot 37 gola në këtë sezon. Për të mos ju ndarë Juves Simone Inzaghi do të mbështet te dyshja Luis Alberto-Joaquin Correa me këtë të fundit që rezultoi celësi fitues edhe në ndeshjen e fazës së parë të zhvilluar në San Siro. Në krahun tjetër pritet ta nisë që nga fillimi sfidën gjigandi suedez Zlatan Ibrahimovic. Kjo sfidë do të startojë në orën 21:45 dhe do të transmetohet gjithashtu live në Supersport. Në ekranin tonë në këtë të shtunë nuk do të mungojnë as duelet e Premier Leagues angleze që vjen me javën e 33-të. Misioni Champions për Manchester United kalon nga dueli shtëpiak i orës 16:00 ndaj Bournemouth që është në vështirësi serioze dhe pozicionohet në zonën e rënies nga kategoria. Në orën 18:30 Wolves një tjetër skuadër që kërkon të kualifikohet në grupet e Champions League pret Arsenalin e Mikel Artetës ndërsa në mbrëmje Chelsea do të kërkojë të rikthehet menjëherë te fitorja dhe të ruajë vendin e 4-t në sfidën ndaj Watford.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...