Tifozët e pranishëm në “Etihad Stadium” për të ndjekur përballjen e “Carabao Cup” mes Manchester City-t dhe Wolves, u bënë dëshmitarë të një episodi gazmor pak para se gjyqtari të vërshëllente për fillimin e takimit.
Një nga punëtorët e klubit dalloi një brejtës pranë flamurit të këndit, të cilin tentoi ta largonte nga fusha. Bëhej fjalë për një ketër, i cili nuk dëshironte të “braktiste” fushën e “Etihad”. Duhej të kalonin plot 8 minuta që “i paftuari” të largohej nga terreni i lojës, sigurisht jo me dëshirën e tij.
