Pas spekulimeve në mediat zvicerane se e ardhmja e Bernard Challandes në krye të Kombëtares së Kosovës është në pikëpyetje dhe varet nga kualifikimi ose jo i Kosovës në Europian, trajneri zviceran, i hedhur poshtë spekulimet në një prononcim për “futbolli.info”.
“Sa u përket spekulimeve rreth vazhdimit të kontratës sime me FFK-në dua të bëj të qartë se qëllimi im është për ta vazhduar bashkëpunimin me FFK-në, siç jam i sigurt se ky është edhe qëllimi i drejtuesve të FFK-së. Problemi i vetëm aktualisht është situata me Koronavirusin. Sapo të kalojë kjo periudhë jam i sigurt se do ta gjejmë zgjidhjen për vazhdimin e kontratës”.
Përballjet në play off: Po përsërit atë që e kam thënë edhe në një intervistë në Zvicër, që aktualisht ka prioritete tjera për shkak të Koronavirusit. Kur kjo situatë e pazakontë të përfundojë, atëherë do të jemi edhe më shumë të fokusuar për ta përgatitur ekipin për dy ndeshjet e radhës, që janë tejet të rëndësishme për ekipin kombëtar, por edhe për Kosovën si shtet.
