Trajneri i Kosovës, Berndard Challandes, ul euforinë e tepruar para takimin me Ishuj Farore në stadiumin e “Fadil Vokrri”. I pyetur nëse do të ndihej përgjegjës dhe a do të jepte dorëheqjen në rast të një disfate ndaj këtij kundërshtari, 67-vjeçari u përgjigj:
Ndoshta njerëzit thonë se jemi skuadra më e mirë e grupit dhe duhet t’i fitojmë të gjitha ndeshjet. Unë nuk i kam thënë skuadrës që duhet të fitojmë patjetër. Mua më intereson një performancë shumë e mirë. Ju thoni se duhet të luajmë lojë sulmuesi, por duhet të jemi të ekuilibruar në prapavijë. Unë s’mund t’u them lojtarëve të mi luani në sulm dhe fitoni, sepse jeni më të mirë. Në futbollin modern nuk ndodh kështu. Nuk mund them se ne jemi Kosova e meqë luajmë në Kosovë, duhet të fitojmë. Ne duhet të luajmë futboll të ekuilibruar. Fakti që në ndeshjet e fundit kemi pësuar pak është diçka shumë e mirë.
Kosova shfaqi disa probleme në ndeshjen e parë në transfertë me Azerbajxhanin, të cilat i pranoi edhe Challandes.
Kosova ka një skuadër të mirë. Kam folur para ndeshjes së parë në Azerbajxhan dhe kur jam pyetur nëse renditja e FIFA-s e bënte kundërshtarin favorit kam thënë se është skuadër pretendente. E kam analizuar këtë ndeshje dhe them se Azerbajxhani mund të pretendojë vendin e parë në grup. Kam respekt për të gjitha skuadrat e grupit tonë, edhe pse nuk janë Franca dhe Kroacia. Prej një ndeshje shumë të mirë të Kosovës me Ishujt Faroe.
Challandes e pranoi se do të ketë ndryshime në formacion krahasuar me ndeshjen me Azerbajxhanin, por pa thënë referenca në këtë aspekt. Ai tha se Besar Halimi është i gatshëm për lojë. Sa i përket largimit të papritur të Kastriot Demarkut, zvicërani nuk dha asnjë shpjegim, duke theksuar se gjithçka ishte personale.