Javairo Dilrosun po bën një sezon të shkëlqyer me Hertha Berlin në aspektin personal, madje një supergol i shënuar ndaj Paderborn ka bërë që klube të mëdha të hedhin sytë ndaj 21-vjeçarit.
Chelsea që po ndjek një politikë të fortë me lojtarë të rinj ka shfaqur interes për sulmuesin që ka bërë debutimin edhe me kombëtaren e Holandës dhe pasi u mor falas nga Man. City tashmë vlen të paktën 20 mln euro.
Konkurrenca për Dilrosun është e fortë pasi edhe Dortmund e ka shënjestruar dhe e shikon si pasuesin e mundshëm të Jadon Sancho, me anglezin që pritet të largohet verën e ardhshme.