Pas vetëm pak muajsh në Spanjë te Valencia, Mitchy Batshuayi nuk arriti të bindë trajnerin Marcelino dhe huazimi u ndërpre para kohe, ndërsa sulmuesi belg u rikthye në Premier League, por këtë herë jo te Chelsea që disponon kartonin e tij, pro te skuadra e Crystal Palace.
Drejtuesit e Chelseat vendosën të huazojnë për 6 muajt e ardhshëm sulmuesin në Premier League, me qëllim që ky i fundit të rigjejë ritmin dhe të ketë treg në Angli dhe Europë, pasi vështirë se mund të rikthehet në “Stamford Bridge”, ku Sarri nuk ka ndonjë simpati për të.
Së fundi drejtuesit e “bluve” të Londrës bënë të ditur edhe çmimin e kartonit të Batshuayit, nëse klubi i Crystal Palce do të vendosë ta blejë përfundimisht. Bëhet fjalë për një shifër prej 50 milionë eurosh, por që natyrisht që mund të ulet ndjeshëm, nëse belgu nuk bën si duhet detyrën gjatë këtyre muajve.