Chelsea ka piketuar Adrien Rabiot si përforcimin e duhur për mesin e fushës. Klubi londinez po tenton të arrijë një akord me lojtarin francez, të cilin trajneri Graham Potter e do në ekipin e tij që në merkaton e janarit.
27-vjeçari numëron katër gola këtë sezon me Juventusin, klub me të cilin ka kontratë deri në fundin e sezonit. Shtypi anglez zbulon edhe planin e Chelsea për të siguruar shërbimet e Rabiot.
Drejtuesit e “Bluve të Londrës” janë gati t’i ofrojnë Juventusit huazimin e Hakim Ziyech – për të cilin ka interesim edhe nga Milani – plus disa milionë për të mbërritur te Rabiot.
Mesfushori francez ishte shumë afër transferimit në Premier League verën e kaluar. Manchester United bindi Juven, por jo nënën e lojtarit, e cila është edhe menaxherja e tij.