Revolucioni te Chelsea sapo ka nisur dhe pas trajnerit Graham Potter, pronari Todd Boehly po punon për të sjellë një drejtor sportiv, teksa emrat në listë janë disa, por kryeson ai i Sevillas, Monchi.
Ky i fundit ka bërë një punë mjaft të mirë te Sevilla, duke ndihmuar që klubi të hedhë baza solide dhe në të njëjtën kohë të garojë e të fitojë trofe në Europë.
Amerikani që ka pronësinë e bluve të Londrës ka nisur prej kohësh negociatat me Monchin dhe së shpejti mund të ketë një akord, megjithatë te Chelsea kanë edhe alternativa të tjera, si Michael Zorc i Borussia Dortmund dhe Christoph Freund i Salzburgut.
