Maurizio Sarri mund të quhet tashmë trajner i Chelseat, ndonëse zyrtarizimi do të vijë vetëm në mesjavë. Drejtuesit e Chelseat kanë arritur akordin me Napolin, për të paguar vetëm 4 milionë euro, për kartonin e trajnerit dhe tashmë janë gati ta prezantojnë Sarrin në Londër, duke filluar nga e mërkura.
De Laurentis ka pranuar të marrë vetëm gjysmën e vlerës së kartonit, duke pasur parasysh se klauzola e largimit ishte përcaktuar 8 milionë euro. Bashkë më Sarrin në Londër do të shkojë një tjetër italian, Gianfranco Zola. Ish sulmuesi i famshëm italian, ka luajtur për shumë vite te Chelsea, duke qenë një njohës i mirë i ambientit londinez.
Pikërisht për këtë arsye, Abramovich ka pranuar t’i vërë në dispozicion “Magic Box”, Sarrit, në eksperiencën e tij të parë jashtë Italie, si trajner.