Chelsea është finalisti i parë i Kupës së Ligës në Angli për sezonin 2021-2022. Blutë e Londrës triumfuan edhe në gjysëmfinalen e dytë ndaj Tottenham Hotspur me rezultatin minimal 0-1 duke avancuar në aktin final të këtij kompeticioni me rezultat të përgjithshëm 3-0. Golin që vendosi fatet e sfidës në Tottenham Stadium e shënoi Antonio Rudiger që në pjesën e parë.
Në fillimin e së dytës vendasve iu anullua fillimisht një gol për offside nga VAR dhe më pas një penallti. Edhe pse u përpoq Tottenhami i Contes e kishte të vështirë të bënte diçka dhe në fund i duhej të këanqej thjeshtë me pjesëmarrjen në gjysmëfinale. Sfida tjetër gjysëmfinale e këtij kompeticioni është ajo mes Liverpoolit dhe Arsenalit.