Lajme jo të mira për Chelsea-in nga infermieria. Dëmtimi që pësoi Alvaro Morata në ndeshjen e fundjavës së kaluar ndaj Manchester City-it, është më i rëndë sesa parashikohej.Sulmuesi spanjoll nuk do të humbasë vetëm dy sfidat e ardhshme elimintore me përfaqësuesen La Roja ndaj Shqipërisë dhe Izraelit, pasi do të mungojë për rreth 1 muaj.
Antonio Conte humbet kështu sulmuesin kryesor të skuadrës së tij , për 3 sfidat e rradhës në Premier League ndaj Crystal Palace , Watford e Bournemouth por edhe për dy takimet e Championsit ndaj Romës. Italianit të stolit të Chelsea-it nuk I mbetet gjë tjetër vecse ti japë më shumë hapësira në sulm belgut Batshuayi.
