Leandro Paredes është një nga emrat më të lakuar për të zënë vendin e Cesc Fabregas tek anglezët e Chelsea-t. “Blutë” e Londrës e kanë bërë të qartë interesimin e tyre për argjentinasin, duke bërë edhe një ofertë rreth 30 milionë euro në drejtim të Zenitit, e konsideruar e ulët nga klubi rus. Duke parë insistimin e madh të skuadrës së Sarrit, drejtuesit rusë kanë deklaruar se do të uleshin në bisedime, por vetëm për një shifër jo më të ulët se 40 milionë euro. Leandro Paredes u transferua te Zeniti në verën e vitit 2017 nga Roma për 13 milionë euro, ndërkohë që kontrata e tij përfundon më qershor të vitit 2021.