Thibaut Courtois vijon të befasojë me formën e tij të mirë dhe adhuruesit e tij nëpër Europë shtohen nga dita në ditë. Pikërisht për këtë arsye, drejtuesit e Chelsea-t po mendojnë të rihapin sërish bisedimet për kontratën e tij, ku pritet t’i propozojnë një tjetër rinovim.
Londinezët rinovuan këtë verë kontratën me portierin belg, por tani duan ta ‘shtrëngojnë’ akoma më fort, duke parë interesin e skuadrave si Reali i Madridit.
Në fakt skuadra e Zidanes është në kërkim të një portieri dhe si objektiv primar ka portierin e Manchester Unitedit, David De Gea, por nëse nuk arrit te spanjolli, është gati të bëjë një sulm për të rrëmbyer belgun e Chelsea-t.