Pierre-Emerick Aubameyang është një “temë” e nxehtë në këtë fund-merkato në shtëpinë e Barcelonës.
Sulmuesi nga Gaboni në disa momente ka shprehur hapur dëshirën për të qëndruar në Spanjë, pavarësisht se ka pasur zëra për një rikthim të tij në Premier League.
Zërat e një transferimi të mundshëm në “ishull”, te Chelsea nuk janë shuar dhe londinezët po bëjnë përpjekjet maksimale për të mbyllur këtë transferim.
Barcelona kërkon rreth 30 milionë euro për kartonin e lojtarit dhe për momentin ka një ngërç midis kërkesës dhe ofertës, pasi Chelsea nuk kërkon të paguajë kaq shumë për 33-vjeçarin.
Mediet britanike bëjnë me dije se “Blutë” e Londrës janë shumë pranë marrëveshjes me lojtarin, ndërsa në ditët në vijim pritet një përgjigje përfundimtare nga agjenti i lojtarit për të kuptuar se ku do të jetë e ardhmja e ish-sulmuesit të Arsenal.