Kategoria Superiore

Çinari “vrasësi” i Tiranës, Partizani “skuq” derbin dhe rikthehet i dyti

Deklaroi në “Gol pas Goli” se do të ishte ëndërr nëse do të shënonte në derbi dhe në fakt këtë ëndërr e bëri realitet. Eraldo Çinari u bë heroi i Partizanit në përballjen e “Elbasan Arenës” me rivalët e përjetshëm bardheblu, teksa i mjaftuan vetëm pak minuta në fushë për të shënuar një gol me shumë peshë, rreth 6 muaj pas pranisë së fundit të tij në një ndeshje zyrtare.

Vetëm 21 sekonda i mjaftuan Tiranës për të rrezikuar portën e Partizanit me Seferin, goditja e të cilit prirët me portën i devijua në fundore nga Hoxha. Në të 18-ën Asani kontrollon topin në zonë, tenton prirët  me portën, por topi përfundon ngjitur me shtyllën. Vetëm pak çaste më vonë, provon Melo me një gjuajtje të rrezikshme, por ndalet nga portieri Bekaj.

Çfarë humbet Seferi në të 36-tën, sulmuesi bardheblu del përballë Hoxhes, e shmang atë, por nuk arrin të të gjejë portën, topi shkon në fundore.

Pas sekonda më pas rreziku kalon në portën tjetër, Cardeiro përballë Bekajt godet mbi tra. Futbollisti i kuq kërkon 11-metërsh pas përplasjes me portierin bardheblu, por nuk është i këtij mendimi Jorgji.

Pjesa e dytë nis më mirë për Partizanit, që për disa minuta e mbyll në zonë kundërshtarin. I pafalshëm gabimi i Solomonit në në minutën e 47-të, me sulmuesin e kuq që nuk arrin të devijojë topin drejt rrjetës.

Ekuilibrat në fushë u prishën në minutën e 52-të, kur Jorgji i tregoi kartonin e dytë të verdhë Jurgen Bardhit, për një ndërhyrje ndaj portierit Bekaj. Irritohen futbollistët e kuq për këtë vendim të kryesorit, por Jorgji nuk bën prapakthehu.

Pak minuta më vonë, Tosheski vë në provë Alban Hoxhën, për të ardhur më pas te kartoni i dytë për Idi Bathën, pas një ndërhyrjeje ndaj Asanit. Forcat në fushë ekuilibrohen pas vetëm 4 minutash.

E pakuptueshme lëvizja e Melos në hyrje të zonës, thuajse i vetën përballë Bekajt. Braziliani vonon në finalizim, me rrezikun që largohet nga porta bardheblu.

Daja dhe Dede në të 68-ën bënë disa ndërrime, Junior e Cara zëvendësuan Melon dhe Solomonin, ndërsa Kuka e Danson ulën në stol te bardheblutë Seferin dhe Halilin.

Një gabim i Malës mund t’u kushtonte shtrenjtë të kuqve në minutën e 77-të, me bardheblutë që nuk, mundën të finalizonin.

Në të 78-ën vjen momenti i Erlado Çinarit, që mori vendin e Jasir Asanit, i cili tregoi pakënaqësi për zëvendësimin.

Partizani merr kontrollin e lojës në minutat e fundit, ndërsa në këmbët e bardhebluve filloi të ndihej më shumë lodhja.

Në minutën e 83-të erdhi goli që vendosi sfidën në favor të të kuqve. Pas një ngulmimi të gjatë të “demave”, Murataj tenton në hyrje të zonës portën, por topi shkon te Çinari që e devijon drejt rrjetës duke mos i thënë asnjë shans portierit Bekaj.

E kuptueshme festa e çmendur e sulmuesit shkodran, që vetëm një ditë pasi mori lejen e aktivizimit nga FIFA, realizoi një gol me shumë peshë, që mund të vendosë shumë në ecurinë e sezonit.

Vetëm pak minuta pas golit, Vrapi i Tiranës pati shansin të barazonte, por ndërhyri në kohë Belica.

As aktivizimi i Sasrakut 3 minuta para përfundimit të kohës së rregullt nuk e ndryshoi rrjedhën e ndeshjes, me Partizanit që rikthehet te fitorja në derbi pas dy humbjeve dhe dy barazimeve.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency