Lajmet nuk janë aspak të mira për Pep Guardiolën në prag të Manchester City-Liverpool. Dueli i zjarrtë do të zhvillohet të shtunën e 1 prillit në “Etihad Stadium” dhe do të transmetohet live në SuperSport.
Dy ditë përpara duelit të rëndësishëm, Erling Haaland nuk është stërvitur. 22-vjeçari pësoi një dëmtim në ijë në grumbullim me kombëtaren e Norvegjisë dhe për këtë arsye nuk luajti përballë Gjeorgjisë dhe Spanjës.
Goleadori, pasi kreu vizitat mjekësorë në Barcelonë, është rikthyer në klub për të vazhduar rikuperimin. Dëmtimi nuk duket shumë serioz për norvegjezin, por mungesa e tij në stërvitje tregon shumë.
Lexo edhe:
- Zbulohen dokumentat, Abramovich financonte një tjetër klub gjatë pronësisë te Chelsea
- Arsenali kampion në javën e fundit? Biletat në Emirates shkojnë deri në 60.000 euro
- “Te Chelsea më quajnë gomar”, Havertz: Nuk mërzitëm, është kafshë speciale!
- Messi nuk ka dyshime për të ardhmen, rinovon me PSG dhe luan Botërorin në Amerikë
Te City nuk duan të rrezikojnë me rikuperimin e tij, kështu që vështirë të luajë ndaj The Reds. Kampionëve në fuqi të Anglisë u duhet me patjetër fitorja për të luftuar deri në fund me Arsenalin për titullin kampion.
“Topçinjtë” kanë zhvilluar një ndeshje më shumë dhe udhëheqin kampionatin me tetë pikë më shumë se Man City i vendit të dytë.