Gazeta prestigjioze portugeze, Record raporton një lajm të bujshëm mbi Rafael Leao. Francezët e Lille do të marrin përsipër shlyerjen e plotë të borxhit që sulmuesi i detyrohet Sportingut të Lisbonës, pas përfundimit të njëanshëm të kontratës në vitin 2018.
Në total, francezët do të derdhin në arkat e portugezëve 20.3 milionë euro. Lille e transferoi Leaon në verën e vitit 2018, ku lojtari zgjidhi në mënyrë të njëanshme kontratën. Në këtë rast ai shfrytëzoi një agresion që një grup tifozësh i bëri ekipit dhe u largua drejt kampionatit francez me parametra zero.
Gjykatat në Portugali i dhanë të drejtë klubit. Por FIFA vendosi në favor të lojtarit deri në çastin kur gjykata e Arbitrazhit Sportiv e ktheu vendimin e FIFA-s dhe doli në krah të Sportingut.
Lexo edhe:
- Takim me përfaqësuesit e Diaz, Milan i gatshëm të paguajë 22 milionë euro për mesfushorin
- Lampard sërish në klubin e zemrës: Rikthimi te Chelsea është fantastik, besoj te vetja!
- Ish-sulmuesi i Chelsea-t tërhiqet nga futbolli në moshën 26-vjeçare
- Shtohet numri i garave në Formula 1, Domenicali: Skuadrat do të përfitojnë ekonomikisht
Më pas Lille e shiti Leaon te Milani për 30 milionë euro. 23-vjeçari po shkëlqen te kuqezinjtë dhe në sezonin e kaluar ku Milani fitoi Serinë A, ai u shpall lojtari më i mirë në kampionatin italian.
Leao është në qendër të vëmendjes për shkak të kontratës së tij, që i skadon në verën e vitit 2024. Drejtuesit e Milanit dëshirojnë t’i rinovojnë kontratën, por ende nuk është gjetur gjuha e përbashkët.
Një nga arsyet kryesore është edhe borxhi që Leao i detyrohet Sportingut. Në rast se Lille do të marrë përsipër të gjithë shumën rinovimi i Leaos me Milanin mund të jetë më pranë se kurrë.
