Momente frike të hënën, në Trigoria, kur babai i sulmuesit të Genoas, Gianluca Scamacca, hyri në qendrën sportive të verdhekuqve, duke kërcënuar levë të pranishmit dhe dëmtuar disa makina të parkuara. Emiliano Scamacca përfitoi nga lënia hapur e dyerve në hyrjen e kompelskit, duke trembur edhe futbollistët e sektorit të të rinjve, që po stërviteshin në fusha të ndryshme të qendrës sportive Fulvio Bernardini. Në një kohë të shkurtër ai u ndalua menjëherë, së pari nga punonjësit e sigurisë së klubit të Romës dhe më pas nga policia, që e arrestoi. Arsyet e gjestit të çmendur janë ende të panjohura.
Babai i Scamaccas kishte veshur një xhup me logon e Sassuolos. Midis makinave të shkatërruara ishte edhe ajo e drejtorit të përgjithshëm të Romës, Tiago Pinto. Djali, në pronësi të klubit të Sassuolos dhe i huazuar te Genoa, është rritur në sektorin e të rinjve të Romës, ku u aktivizua nga viti 2012 deri në në 2015.