Liverpooli ka shkatërruar 5-0 Watfordin, në Premier League, i udhëhequr nga një Muhamed Salah i papërmbajtshëm. Sulmuesi egjiptian shënoi 4 gola dhe asistoi të 5-tin, të cilin e dërgoi në rrjetë Firminho, duke kompletuar një mbrëmje vërtetë magjike për të.
Muhamed Salah shkoi sot në kuotën e 28 golave të shënuar dhe 9 asisteve, në vetëm 31 javë, duke konfirmuar se është ai futbollisti i momentit në Premier League. Nga ana tjetër, Liverpooli u rikthye te fitorja dhe shkoi në kuotën e 63 pikëve, në vendin e 3-të të renditjes së Premier Leagues.