Erling Haaland është njeriu i rekordeve. Sulmuesi norvegjez i datëlindjes 2000, pjesë e Borussias së Dortmundit, po jep shfaqe të pabesueshme në fushë, por objektivi numër 1 i Realit të Madridit lë gjurmë edhe me historitë e tij jashtë futbollit.
Gjatë pushimeve të tij në Mykonos të Greqisë, ku sigurisht nuk ka kaluar pa u vënë re me pamjen e tij ekstravagante, norvegjezi mësohet se ka shpenzuar 500 mijë euro brenda pesë orësh në një restorant, madje duke lënë 30 mijë euro bakshish.
Ai pagoi darkën për vete dhe të gjithë miqtë e tij, pastaj mori një makinë luksoze me qira dhe nënshkroi një çek të majmë për të gjitha këto shpenzime.
Haaland kërkon të ndryshojë ekip që të paguhet si top-player, në nivelin e Cristiano Ronaldos, pra shumë më tepër se 8 milionë euro në sezon që përfiton në vit te Dortmundi.