Roma dhe Feyenoord do të diskutojnë mes tyre trofeun e Conference League më 25 maj në “Air Albania”, Tiranë. Ish-mesfushori holandez, Ruud Gullit ka folur për De Telegraaf rreth finales së parë të këtij turneu, duke u ndalur edhe te shanset e verdhekuqve të Jose Mourinhos për të fituar.
“Fillimisht, Conference League u pa si një shaka, si një turne i Mickey Mouse. Por kur bëhet fjalë për fazën finale, si zakonisht, askush nuk dëshiron të humbasë. Ishte e mrekullueshme të shihje në gjysmëfinale stadiume të tejmbushura si në Marsejë apo Romë.
Mourinho? Mund mos të të pëlqejë si njeri, mund të mos jesh dakord me mënyrën e lojës së ekipeve të tij, por Jose mbetet një trajner madhështor. Ai ka diçka magjike, përndryshe nuk do të kishte fituar dot kaq shumë”, deklaroi ish-ylli i Milanit.