Connect with us

Hi, what are you looking for?

Conference League

Conference League/ Roma për histori në “Air Albania”, në Tiranë “mbush” 300 ndeshje

UEFA Conference League ka mbërritur në “stacionin” e fundit dhe tashmë finalja e parë në historinë e këtij kompeticioni është në horizont.

Në Tiranë do të zbresin dy “pesha” të rënda të futbollit europian, Roma dhe Feyenoord.

Italianët do të kërkojnë trofeun e parë në tokën europiane të një rëndësie të tillë, pasi në krahun tjetër, holandezët ndryshe nga “verdhë e kuqtë”, në të kaluarën e kanë shijuar diçka të tillë.

Roma, me një histori 94-vjeçare, me 3 tituj të Serie A, 9 Kupa dhe 2 Superkupa italiane, në “Air Albania” do të luajë ndeshjen numër 300-të në arenën europiane. Një shifër e jashtëzakonshme, duke lënë pas edhe skuadrën nga Roterdami (Feyenoord do të luajë ndeshjen numër 274 në histori).

Roma në këtë sezon të Conference League ka zhvilluar në total 14 sfida, ndërsa në të kaluarën, numëron edhe 285 takime në Europë. 111 prej tyre i ka luajtur në Champions, ndërsa 145 në Europa League dhe 29 të tjera në ish-kompeticionin Kupa e Kupave. Në total, Roma në 299 takime, ka koleksionuar 140 fitore, 67 barazime dhe 92 humbje, duke shënuar 470 gola, ndërsa ka pësuar 344 gola.

Tani mbetet për t’u parë nëse, Roma e Jose Murinho-s do të arrijë të festojë ndeshjen e 300-të në Europë me trofeun e parë në kontinentin e vjetër, me sfidën e 25 majit në “Air Albania”.

Lajme të tjera

Merkato

Bento Matheus Krepski pritet të jetë një nga përforcimet e Interit gjatë merkatos verore. Kampionët e Italisë kanë përzgjedhur 24-vjeçarin brazilian si portierin e...

La Liga

Xavi rrezikon shkarkimin nga posti i trajnerit të Barcelonës sapo të mbyllet sezoni. Deklarata e fundit ka sjellë shqetësim në klub, teksa është pritur...

Itali

Orë vendimtare për Interin. Të hënën e 20 majit skadon huaja që fondi “Oaktree” i ka dhënë numrit një të zikaltërve në vitin 2021....

Ligue 1

Milan Skriniar zgjodhi të thyejë raportet e tij me Interin dhe tifozerinë zikaltër, për t’u transferuar një vit më parë te Paris Saint Germain...