Nisi ashtu siç duhej sezoni i ri për Interit, edhe pse bëhet fjalë vetëm për një miqësore. Një start me këmbën e mbarë edhe për trajnerin Antonio Conte, për të cilin pritshmëritë në krye të zikaltërve janë të mëdha. 1-2 triumfoi Interi në testin me Luganon, ku shënuan blerja e re, Sensi, dhe Brozovic, me pesha të rënda si Icardi dhe Naingolan që janë larguar nga grumbullimi.
Me mungesa të shumta në formacion dhe me skemën 3-5-2 ende në kolaudim, zikaltrit e nisën miqësoren me Handanovic në portë, D’Ambrosio, De Vrij dhe Skriniar në mbrojtje, ndërsa pesëshja e mesfushës përbëhej nga Candreva, Gagliardini, Brozoviz, Sensi e Perisic. Në sulm dyshja Esposito-Longo. Në minutën e 25-të Sensi shënoi një gol të bukur pasi mori një top nga Brozovic, ndërsa pak para se të mbyllej pjesa e parë dyfishoi mesfushori kroat.
Gjatë pjesës së dytë Conte e ndryshoi të gjithë skuadrën, e për rrjedhojë 3 minuta para fundit të kohës së rregullt shkurtoi diferencën futbollisti kosovar Leotrim Kryeziu. Në stadiumin e Luganos nuk mungojë një banderolë në mbështetje të Sinisa Mihajlovic, që një ditë më parë dha lajmin e keq se vuante nga leucemia.