U përfol shumë për largimin e Edin Dzekos nga Roma, me destinacion Londrën, ku e priste krahëhapur Antonio Conte te Chelsea i tij. Gjithsesi, boshnjaku nuk është larguar, madje përkundrazi, po luan titullar në sfidën që Roma po luan ndaj Sampdorias, në Xhenova.
Drejtori Sportiv i verdhekuqve, Mario Monchi, në një intervistë pak minuta para ndeshjes u shpreh se deri tani nuk ka ardhur asnjë ofertë interesante në drejtim të Dzekos, ndaj ai do të vijojë të jetë pjesë e Romës.
Duket se kjo është një strategji e verdhekuqve, që duan të përfitojnë sa më shumë nga shitja e qendërsulmuesit, që pritet të shkojë në Londër në paketë me mesfushorin brazilian Emerson Palmeiri.
