Connect with us

Hi, what are you looking for?

Serie A

Conte: Eriksen në qendër të lojës tonë, në fushë mund të bëjë çfarë të dojë

Cristian Eriksen ishte blerja e bujshme e Interit në muajin janar, por që në ditët e para në aventurën zikaltër, vuajti jo pak për të gjetur hapësira në formacionin e Contes, aq sa detyroi teknikun të ndryshojë edhe skemë.

Megjithatë edhe kjo duket se nuk mjaftoi për fantazistin danez që gjatë javëve të fundit është nisur shumë shpesh nga pankina, por trajneri Antonio Conte, në prag të transfertës ndaj Genoas, e cilësoi Eriksen si mjaft të rëndësishëm për lojën e skuadrës.

“Nuk më pëlqen të flas për lojtarë të caktuar, por për skuadrën në përgjithësi, megjithatë ndaj Fiorentinës Eriksen bëri një ndeshje shumë të mirë, sidomos në pjesën e parë, pasi në të dytën ra pak fizikisht. Tani ai është futur në mekanizmat e skuadrës dhe po përpiqet të bëjë më të mirën, ndërsa ne po mundohemi ta vëmë në kushtet optimale për t’u shprehur sa më mirë. Kur nuk ka topin në këmbë është i lirë të lëvizë pas sulmuesve apo në krah, të sulmojë hapësirat dhe të marrë topin, pra mund të bëjë atë që do. Duhet të vazhdojë të punojë në mënyrë serioze dhe konstante, ashtu siç po bën tani dhe rezultatet do të vinë patjetër”, deklaroi Conte.

Interi pagoi pak më tepër se 20 milionë euro për të marrë fantazistin danez nga Tottenham në muajin janar, duke përfituar nga fakti që kontrata e tij me londinezët skadonte në fund të këtij sezoni dhe Eriksen kishte refuzuar rinovimin.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Champions League

Champions League do të nisë sezonin e ri me një formulë të re, teksa rrugëtimi do të startojë nga një grup i vetëm, me...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...