Antonio Conte nuk e fsheh lumturinë që fitoi trofe edhe në vitin e tij të dytë me Chelsean. Pas triumfit në Premier League, tekniku italian dhe skuadra londineze ngritën sot trofeun FA Cup, pasi mposhtën në final;e Manchester Unitedin.
“Jam shumë i lumtur që fituam. Tregova se jam një fitues serial, sepse pas titullin kampion vitin e kaluar, morëm këtë sezon kupën FA, pavarësisht vështirësive. Premier League është një kampionat i vështirë, ku çdo gjë fitohet në fushë dhe nuk paracaktohet nëpër tavolina”, deklaroi Conte.
Më pas italiani foli për të ardhmen e tij te Chelsea, që vijon të mbetet në dyshim, pasi prej kohësh tabloidët flasin për një ftohje të marrëdhënieve të tij me drejtuesit e skuadrës.
“Dëshira dhe gatishmëria ime është që të rri këtu deri në fund të kontratës. Që nga janari nuk kam dëgjuar asnjë propozim, sepse jam maksimalisht i përqendruar te puna ime me Chelsean. Shpresoj që me disa përforcime, të mund të rikthehemi sërish në majë sezonin tjetër”, u shpreh trajneri i Chelseat.