Antonio Conte është i hidhëruar nga humbja në shtëpi kundër Juventusit, në ndeshjen e parë gjysmëfinale të Kupës së Italisë:
“Ne bëmë gjithçka, por bëmë gjithashtu dy gabime naive që Juve i shfrytëzoi, duke fituar në fund 2-1. Duhet të jemi më cinikë, por kemi krijuar shumë. Por kundër Juventusit duhet t’i shfrytëzosh mundësitë. Paraqitja ishte e shkëlqyeshme, vetëm rezultati ishte negativ. Ne e kemi vendosur Juven në vështirë, më vjen keq sepse meritonim shumë, shumë më tepër se rezultati përfundimtar. Është e pashmangshme që pas humbjes një 2-1 në shtëpi duhet të fitosh me dy gola. Nuk do të jetë shëtitje në park”.
Për mungesën e Lukakut, i skualifikuar dhe nën hetim nga prokurori federal për zënkën me Ibrahimovicin, Conte shprehet:
“Djali është i qetë. Gjithmonë është sjellë në mënyrën e duhur, kurrë nuk do ta lejonte veten të ofendonte askënd. Po flasim për një djalë të mirë, pastaj për atë që po ndodh për mendimin tim duhet të jemi më të qetë.”
Pasiguria për të ardhmen e klubit të Inter gjithashtu duket se rëndon mbi lojtarët:
“Ekziston një situatë e veçantë, është e kotë ta fshehësh. Ne patëm një projekt në gusht, që u ndal”. Për pakënaqësinë e Vidalit në momentin e zëvendësimit, trajneri zikaltër specifikoi:
“Unë nuk shikoj reagimet e lojtarëve, marr vendimet.”