Antonio Conte po bën një punë shumë të mirë te Tottenham, ekip me të cilin ka regjistruar katër fitore dhe tre barazime në shtatë ndeshje në Premier League.
Trajneri italian pret përforcime nga merkato e janarit dhe drejtuesit e klubit londinez kanë hedhur sytë nga Italia, aty ku pëlqejnë Dejan Kulusevskin e Juventusit.
Sondazh/ Sa besoni te agjencitë imobiliare?
“Zonja” shpenzoi 35 milionë euro për kartonin e sulmuesit të djathtë, por lojtari suedez nuk po arrin të shfaqë potencialin që zotëron tek ekipi i Max Allegrit.
Conte e do në skuadrën e tij dhe GDS shkruan se Tottenham ka bërë lëvizjen e parë për arritjen e një akordi, duke i ofruar klubit italian shkëmbimin me Giovani Lo Celso.
25-vjeçari argjentinas aktivizohet në qendër të mesfushës, teksa nuk po luan rregullisht me Tottenham. Lo Celso numëron vetëm 210 minuta aktivizim në Premier League këtë sezon dhe kalimin te Juventusi e sheh me sy të mirë.