Trajneri i Tottenham, Antonio Conte ka folur për situatën e tij këtë sezon në Premier League.
Në një intervistë të dhënë së fundmi për mediet britanike, italiani theksoi se ndihet keq pasi gjatë kësaj periudhe ka humbur tre persona.
“Sigurisht, ky sezon është një sezon i vështirë nga pikëpamja personale. Humbja e tre njerëzve që i njihja shumë mirë në një kohë kaq të shkurtër nuk ishte e lehtë. Kur ndodh kjo situatë, të bën të kesh disa reflektime të rëndësishme.”-deklaroi ai.
Më tej ai shtoi që është duke bërë një reflektim për të ardhmen e tij, ndikuar nga fakti që për pak ditë u ndanë nga jeta Gian Piero Ventrone, Sinisa Mihajlovic dhe Gianluca Vialli, të tre kanë qenë miq të trajnerit.
“Shumë herë mendojmë dhe i kushtojmë shumë rëndësi punës tonë dhe harrojmë familjen. Harrojmë se duhet të kemi më shumë kohë për veten tonë. Ky sezon po më bën të bëj një reflektim të rëndësishëm për të ardhmen time”-deklaroi Conte.