Trajneri i Tottenham, Antonio Conte hedh sytë nga Italia për të përforcuar skuadrën për sezonin e ardhshëm. Italiani ka shënjestruar mesfushorin e Napolit, Piotr Zielinski, të cilin e kërkoi edhe në vitin 2019 kur drejtonte Interin, por nuk arriti ta merrte.
Kreu i stolit të “spurs” tashmë këmbëngul ta transferojë polakun në Londër dhe sipas medieve, i ka kërkuar presidentit të të kaltërve, De Laurentiis inofrmacion mbi vlerën e kartonit të futbollistit. Por vështirë se numri një i italianëve do të lërë të lirë xhevahirin e mesfushës, i cili gjatë këtyre viteve me fanellën e Napolit ka bërë 280 paraqitje duke realizuar 39 gola dhe 33 asiste.
Gjithsesi Conte është i vendosur dhe këmbëngul për Piotr Zielinskin i cili mund të luajë në një mori pozicionesh në mesfushë. Ai do të sillte kreativitetin, shkathtësinë dhe golat nga mesi i fushës që aktualisht mungon në formacionin e Tottenhamit.
