Mateo Kovacic është gjithnjë e më pranë rikthimit te Interi. Zikaltrit në mesfushë nuk do të përforcohen vetëm me talentin e kombëtares italiane Nicolo Barella por edhe me nënkampionin e botës i cili është kthyer te Reali pas huazimit 1-vjeçar te Chelsea por gjasat janë që do të largohet sërish. Sipas mediave italiane në takimin e zhvilluar ditën e djeshme mes drejtuesve të Interit dhe trajnerit Antonio Conte ku është folur për merkaton, afrimi i Kovacic ka marrë bekimin e trajnerit italian. Interi dëshiron ta rikthejë kroatin në Serie A në formë huazimi me të drejtë blerjeje. Kovacic u largua nga zikaltrit në verën e vitit 2015 me Realin që derdhi në arkat e Interit shumën e 38 milionë eurove ndërsa tashmë mesfushori mund të rivishet zikaltër.
