Pasi mori fitoren e parë sezonale në kampionat ndaj Laçit, Kukësi do të udhëtojë këtë fundjavë drejt Shkodrës, për t’u përballur të dielën pasdite me skuadrën më në formë të momentit, Vllazninë, në stadiumin “Loro Boriçi”.
Me trajnerin Skënder gega ende duke u kuruar nga koronavirusi në Turqi, skuadra veri-lindore do të drejtohet sërish nga ndihmësi i tij, Rrahman Hallaçi, i cili këtë fundjavë do të ketë në dispozicion edhe sulmuesin Goodberg Cooper.
Ky i fundit ka qenë i izoluar prej disa ditësh, pasi kishte rezultuar pozitiv në testin ndaj koronavirusit, ndërsa sot tampon konfirmoi se është rikuperuar, ndaj ka zbritur menjëherë në stërvitje me skuadrën.
Deri të dielën pasdite Cooper do të ketë mundësi të kryejë dy seanca stërvitore të plota, ndonëse në Shkodër gjasat janë që të rrijë në pankinë dhe të zbresë në fushë vetëm nëse do të jetë e nevojshme.