Sfida ndaj Empolit duhej të ishte e fundit e Stefano Sensit me fanellën e Interit për këtë sezon, pasi mesfushori italian kishte arritur marrëveshjen me Sampdorian për një transferim në huazim, megjithatë gjërat ndryshuan me shpejtësi.
Futbollisti zikaltër shënoi golin që kualifikoi në fazën tjetër Interin, ndërsa dëmtimi i argjentinasit Joaquin Correa ka ndryshuar skenarët dhe për momentin huazimi i Sensit te Sampdoria është pezulluar.
Sulmuesi argjentinas do të kryejë nesër ekzaminimet mjekësore, teksa gjasat janë që të qëndrojë të paktën një muaj jashtë, ndaj Inzaghi ka urdhëruar që Sensi të qëndrojë në Milano, pasi momentalisht zikaltrit kanë vetëm tre sulmues në dispozicion, që janë Dzeko, Lautaro dhe Sanchez.
[quiz-cat id=”297408″]
