Jemi vetëm 3 ditë larg super-përballjes së Premier League-s, mes Chelsea-t dhe Manchester United-it dhe atmosfera ka filluar të ndizet. Si fillim ishin mediat angleze që paralajmëruan shkakrkimin e Contes, nëse londinezët mposhten nga skuadra e Jose Mourinhos, ndërsa tani është vetë portiere belg i bluve.
Thibaut Courtois doli kundër vendimit të klubit, për të lejuar largimin e Nemanja Matiçit në verë, drejt ‘Djajve të kuq’. Portieri i bluve të Londrës theksoi se skuadra e ndjen mungesën e serbit në fushë, ndërsa ky i fundit po bën paraqitje të shkëlqyera te United-i.
“Na mungon Matiç. Ai ishte njeriu që mbante ekuilibrat e skuadrës në fushë dhe tani që kemi dy mesfushorë të dëmtuar, ia ndiejmë edhe më shumë mundesën. Për më tepër, ai po paraqitet mjaft mirë te Manchesteri dhe po ndihmon skuadrën e tij për të fituar”, tha portiere belg i Chelsea-t.