Phillipe Coutinho nuk ka gënjyer për gjendjen e tij fizike në ditët e fundit me Liverpoolin. Sikurse u vërtetua nga vizitat mjekësore te Barcelona, braziliani ka një dëmtim në kofshën e djathtë dhe nuk do të mund të japë kontribut për katalanët në asnjë nga ndeshjet e janarit.
Takimi i fundit i Coutinhos me Liverpoolin iashte ai me Leicesterin më 30 dhjetor, ndërsa në sfidat pasardhëse nuk u grumbullua nga Klopp për shkak të problemeve fizike. Në fakt është aluduar që mungesa e brazialianit lidhej me dëshirën e tij për t’iu bashkuar Barçës, por këto raportime nuk kanë qenë aspak të vërteta. Deri në fund të janarit, Coutinho do të vijojë me fazën e riaftësimit, e për rrjedhojë do të mungojë në të gjitha sfidat e muajit të parë të vitit, ku përfshihet edhe ndeshja çerekfinale e Kupës së Mbretit, sigurisht nëse skuadra e Valverdes do të eliminojë Celta Vigon.