Në një intervistë për Sky Sport, Cristiano Ronaldo ka rrëfyer se mund të kishte qenë një futbollist i Juventusit, kur ishte vetëm 17 vjeç. Portugezi rrëfeu se krahas Manchester Unitedit, edhe bardhezinjtë shprehën interes konkret për të, kur luante me Sportingun e Lisbonës.
“Kur isha 17 vjeç, më kërkuan shumë klube, por më konkretë u shfaqën Juventusi dhe Manchester United. Mund të kisha shkuar te Juventusi, por anglezët ofruan më shumë garanci dhe për më tepër, Premier League ishte një ëndërr për mua, që kur isha fëmijë”, u shpreh Cristiano Ronaldo.