Crotone bën befasinë që në ndeshjen hapëse të javës së 12, të Serisë A, teksa mposht me përmbysje Bolognën në “Dall’ara”. Skuadra ku aktivizohet edhe mbrojtësi shqiptar Arlind Ajeti, humbi në pjesën e parë 2-1, por përmbysi gjithçka në të dytën, duke marrë një 3 pikësh me mjaft vlera, në një fushë të vështirë.
Kroati Budimir ishte heroi i Crotones, me 2 golat e shënuar, ndërsa tjetri u shënua nga Trotta me 11 metërsh. Nga ana tjetër, edhe talenti i Bolognës, Simone Verdi shënoi 2 golëshin e parë në Serinë A, por që nuk i shërbeu aspak skuadrës së tij.
Mbrojtësi i Shqipërisë, Arlin Ajeti e pa të gjithë 90 minutëshin nga stoli, për të 3-tën javë me radhë, si ndëshkim për formën e dobët të paraqitur në humbjen 5-0, ndaj Sampdorias.
