Drejtori sportiv i Juventusit, Fabio Paratici sqaroi situatën për të ardhmen e Juan Cuadrado. Drejtuesi i “zonjës së vjetër” deklaroi se kolumbiani konsiderohet një lojtar i rëndësishëm dhe ka një rol kryesor në projektin e klubit dhe për këtë arsye po punohet fortë që të arrihet marrëveshja për rinovimin e kontratës me kolumbianin, që përfundon në qershor të 2020-ës. 47-vjeçari theksoi se për momentin nuk ka përfunduar asgjë dhe se palët janë ende të bisedime, por shtoi se gjithçka po shkon shumë mire dhe se futbollisti do të firmosë kontratën e re deri në 2022.
