Connect with us

Hi, what are you looking for?

Kosovë

Çudia në Kosovë, arbitri gjykon dy finale brenda 24 orëve

Arbitri i FIFA-s në Kosovë, Visar Kastrati ka vendosur një rekord, duke gjykuar dy ndeshje në harkun 24 orëve. Dhe jo ndeshje dosido, por dy finale në kuptimin e plotë të fjalës.

Kastrati 36-vjeçar zbriti në fushë në sfidën e Play Out-it mes Ferizajt dhe Lirisë, e cila startoi të dielën në orën 15:00 dhe u vendos nga penalltitë, pasi 120 minuta futboll në fushë nuk prodhuan as gol e as fitues.

Liria e Prizrenit siguroi rikthimin në elitën e futbollit kosovar, duke zbritur në Kategorinë e Parë skuadrën e Ferizajt në një sfidë që përfundoi rreth orës 18:00 të së dielës.

Lexo edhe:

Vetëm 24 orë më vonë, Visar Kastratit iu desh të vendoste drejtësi në një tjetër finale, atë të Kupës së Kosovës mes Prishtinës dhe Gjilanit, që u fitua nga kryeqytetasit me rezultatin 2-1.

Plot 2 ndeshje në 24 orë për Kastratin, që mban stemën e FIFA-s prej 2020-ës dhe ka gjykuar deri në fazën eliminatore të Conference League-s.

Nuk dihet ende arsyeja e këtij vendimi, teksa vlen të theksohet se Kosova ka edhe 4 arbitra të tjera që mbajnë stemën e FIFA-s.

Natyrisht është një zgjedhje e çuditshme, pasi në nivelet profesioniste duket e pamundur të mendohet angazhimi i të njëjtit arbitër në dy ndeshje radhazi brenda 24 orëve dhe për më tepër në dy finale.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...