Në pritje të referendumit, Josep Maria Bartomeu ka vendosur të qëndrojë te Barcelona duke mos dhënë dorëheqjen. Numri 1 i klubit blaugrana për të ulur disi tensionin në radhët e drejtuesve dhe tifozerisë në një intervistë të dhënë sëfundmi madje ka folur edhe për rinovimin e mundshëm të Lionel Messit me Barçën. “ E kuptoj që Messi mund të jetë i mërzitur, por ne nuk mund ta lejonim të largohej pasi ai është çelësi i projektit dhe në ditët e ardhshme shpresojmë që të ndryshojë mendim dhe që të thotë se do të qëndrojë dhe të rinovojë”, fjalë këto të Josep Maria Bartomeut që më tej ka shtuar: “Për shkak edhe të situatës që është krijuar me Messin nuk më ka shkuar kurrë në mendje për t’u dorëhequr. Projekti i Barcelonës është shumë interesant me të rinj dhe veteranë si Leo. Mendoj se me të do të fitojmë të paktën një trofe në këtë sezon”, nënvizoi më pas Bartomeu.
